مشاكل زوجية في الغربة

انقل ليكم هاد الدروس لي روعة او عليها اقبال بزااااف او
 راءعة اتنفع كل مزوجة انا قريتهم شي 6سنوات وسبق لي حطيتها هنا و انعاودها دابة  هادي او مزال كنعاود ليهم حيت ستفدت منهم بزاااف لهدا جبتهم ليكم حتى انتوما باش تستافدو او كنشكر مولاتهم او جزاها الله كل الخير

دروس الاستادة رحاب الجنان لتعلم التقل في الحياة الزوجية

الى كل انثى كتعاني من معاملة زوجها :الثقل صنعة .........دخلي تتعلمي لاصولها يا ختي

نضرا لكثرة الشكوى من معاملة الازواج في هاد القسم قررت نحط هاد الموضوع اللي استفدت منه شخصيا وانوه انالموضوع ليس من مجهودي الشخصي بل هو موضوع لاخت ليست مغربية كنت اتصفح احد المنتديات فاثار فضولي العنوان قررت ان ادخل من باب الفضول لكن لما بديت نقرا فيه لاحضت انه يحكي عن حالتي مع زوجي وحالة اغلب الزوجات
شدني الموضوع بزاف لدرجة اني 3 ايام ونا كنقرا فيه حتى كملت الاجزاء الثلاثة وبديت كنسجل الخطوات وبديت كنطبق وراسلت الاخت صاحبة الموضوع الا ماعرفتش نتصرف فشي موقف والصراحة الاخت كانت نعم الاخت انسانة خدومة وما بخلاتش عليا بالتوجيه والنصيحة الله يجزيهي خيري الدنيا والاخرة

كفما سبق وقلت ليكم انا كاغلب النساء كنت كنحلم بزوج يحظتويني بمعنى الكلمة يكون لي الحبيب والزوج الاخ والاب وحتى الابن ههههههههههه طماعة شوية خاصة في بلاد الغربة بغيتو يكون قريب مني بزاف كفما انا هو حياتي كلها
في البداية كنت كنحس ان زوجي كيبادلني نفس الشعور لكن مع مرور الايام بدات الفجوة كتكبر بيناتنا وليت حاسة براسي لاصقة فيه بزاف ومدلوقة عليه[ اللي عرفت مرادفها تعتقني بيه] بينما هو العكس يعني كل ما كنقرب ليه او نتلهف عليه هو كيثقل عليا خصوصا بعد مجئ الاطفال
كل يوم كتكبر الفجوة حتى ولينا كنعيشو برود عاطفي

ونتج عليه برود جنسي لدرجة وليت كنفكر بزاف في الطلاق
لكن والله اخواتي بعدما قريت الموضوع وطبقتو انقلبت حياتي راسا على عقب بديت نحس ان زوجي رجع يقرب مني بحال زمان بعدما ياست من المحاولات وبعد معاناة 12 عام من الزواج
نتمني الموضوع يعجبكم
ونحلو باب الحوار والمشاورات حتى تتحل جميع مشاكلنا بحول الله تبعو معي المواضيع غتكون متتالية